歌词：BAP. Tonfilm. Wie'ne Blaue Ballon.

1)
E Sauriersklett weed en Tibet jefunge,
vuur Taiwan lauf e Scheff op e Riff.
Ne Lebensmoode ess vum Dom jesprunge,
em Iran ess ne Flusslauf verjeff.

Irjendwo en Afrika putsch diss Naach et Militar
un ne Lover en Rom schwort: "Na, dich jevv ich niemieh her!"

Refr.:
Un da Planet drieht sich wigger, als ob nix wohr,
durch et All wie ne blaue Ballon,
unbeirrt, Johrmillione, wat och passiert, souveran,
ohne Pardon.

2)
Om Montparnasse ess ne Clochard erfroore,
en Berlin brennt et Daach vun ner Kirch,
Drillinge weede jraad op Java jeboore,
em Kaukasus tob en Schlaach om ne Birch.

Mancheiner ess verzweifelt un froot sich: "Wat maach ich blo??"
Un irjendwo en China fallt jetz jraad en Duur en et Schloss.

Refr.:
Un da Planet drieht sich wigger, als ob nix wohr,
durch et All wie ne blaue Ballon,
unbeirrt, Johrmillione, wat och passiert,souveran,
ohne Pardon.

3)
Om Feuerland tob ne Orkan,
Jerusalem schloof,
en Mexiko speut ne Vulkan,
Ali hoff, datte morje besser verkauf un da

Refr.:
... Planet drieht sich wigger, als ob nix wohr,
(durch et All) wie ne blaue Ballon,
unbeirrt, Johrmillione, wat och passiert,
(souveran) ohne Pardon